Policia ka identifikuar personin që dyshohet se ka qëlluar biznesmenin Nard Polia, i cili u ekzekutua me breshëri plumbash në Shkodër pak ditë më parë.
Dyshohet se vrasja është kryer nga Kristian Sulaj, i cili është vëllai i Alfred Martinit, por ai ka ndryshuar gjeneralitetet.
Sulaj dyshohet se është larguar nga Shqipëria nëpërmjet pikës kufitare të Murriqanit.
Ndërkohë, Gjykata e Shkallës së Parë në Shkodër ka vendosur të lërë në burg tre personat e dyshuar si bashkëpunëtorë të vrasësit të 32-vjeçarit Polia. Kështu, Gjykata dha masën “arrest me burg” Gilbert Toma, Kleandro Toma dhe Alfred Martini.
Dy vëllezërit Toma pretendojnë se i kanë dhënë makinën tip “Audi”, vëllezërve Martini. Ndërsa këta të fundit pretendojnë të kundërtën, se mjetin ia kanë dhënë ata Gilbertit dhe Kleandro Tomës.
