Policia ka identifikuar autorin e vrasjes së Hekuran Billës, në atentatin e dy netëve më parë në Komunën e Parisit, në Tiranë.
Sipas BalkanWeb, si autor i dyshuar është shpallur vëllai i 22-vjeçarit, Prel Marku. Ky i fundit është vrarë nga Hekuran Billa, në vitin 2006 në Angli.
Autori i dyshuar, Viktor Marku është 34 vjeç, ndërsa nuk dihen ende bashkëpunëtorët e tij në krim. I dyshuari është shpallur në kërkim nga policia dhe pritet ndalimi i tij.
40-vjeçari, Hekuran Billa mbeti i vdekur pas një atentati që iu bë në makinën e tij dy netë më parë. Dje u publikua edhe një video që tregonte momente nga atentati.
Billa ishte liruar me kusht nga burgu në shkurt të vitit 2019.
