Ibrahimoviç nuk e llogariti, “tërbohet” trajneri Suedisë: Vendos unë

Zlatan Ibrahimovic pak ditë më parë njoftoi se ai kishte vendosur që të kthehet tek Suedia dhe të udhëtojë bashkë me kombëtaren e tij drejt Rusisë për Botërorin. Madje ai ironizoi duke u shprehur:  “Çfarë botërori do të ishte pa mua?!”Por kjo deklaratë duket se nuk i ka pëlqyer aspak trajnerit aktual të Suedisë, Janne Andersson, i cili në një intervistë për “Bild am Sonntag” është shprehur: “Kur do ta marrë përfundimisht vendimin e tij është i lutur të më telefonojnë. Në fund të fundit jam unë trajneri i Suedisë dhe e kam unë vendimin final. Për momentin nuk mund të mendoj për hamendësira dhe gjëra që nuk janë konkrete.”Ibrahimovic tashmë është 36-vjeç dhe është duke u aktivizuar në MLS tek ekipi i Los Angelos Galaxy ku po kalon një formë mjaft të mirë pas një periudhe të errët dëmtimesh tek Manchester United. Por kjo përgjigje nga trajneri Andersson duket se nuk do ti pëlqejë shumë gjigantit suedez dhe pritet që të ketë një replikë.