Jose Mourinho ka folur rreth spekullimeve për të ardhmen e Zlatan Ibrahimoviç, i cili së fundmi është i lidhur me një transferim tek skuadra amerikane, Los Angeles Galaxy. Numri një i pankinës së “Djajve të kuq” është shprehur se nuk është në dijeni të këtyre bisedimeve dhe se nuk e ka diskutuar asnjëherë me sulmuesin suedez.
Skuadra më e lidhur me të është ajo amerikane, LA Galaxy, për të cilën thuhet se do të jetë skuadra e re e Ibrahimovicit. Sipas asaj që raporton rrjeti televiziv ESPN, Ibra është shumë pranë kalimit te LA Galaxy në SHBA dhe palët kanë arritur marrëveshjen.
“Ai nuk mu ka folur asnjëherë rreth kësaj, por Zlatan është në vitin e fundit të kontratës së tij këtu”, ka thënë fillimisht Mourinho. “Nëse është e vërtetë se Zlatan kërkon një të ardhme në një tjetër klub, tjetër vend, ne jemi të atshëm që ta ndihmojmë atë”, përfundoi portugezi.
Lojtari suedez ka qenë i lidhur edhe me një kalim te Real Madridit, por që thuhet se është refuzuar nga Mbretërit dhe me skuadrën turke, Besiktas.
