Një ngjarje e rëndë ka ndodhur në Indi, ku një deputet dhe djali i tij janë vrarë në një pritë. Disa persona sulmuan eskortën e deputetit, ku për rrjedhojë humbën jetën të paktën 11 persona.
Mes të vrarë janë edhe Tirong Aboh, ligjvënës i Partisë Kombëtare Popullore (NPP) nga Khonsa West të distriktit Arunachal Pradesh dhe djali i tij, Longgem Aboh.
Pema Khandu, zyrtar i lartë në Arunachal Pradesh u shpreh:
“Sipas raportimeve të policisë, 11 persona, përfshirë ligjvënësin Tirong Aboh u zunë në pritë dhe u vranë mes Khonsa dhe Deomali nga militantë të armatosur.”
Dyshohet se sulmi është kryer nga militantët separatistë të fraksionit Isak-Muivah, ndërsa autoritetet përkatëse po vijojnë hetimet.
