Pas dy ditë kërkimesh, gjendet në Leskovik bariu që u raportua i humbur.
Dhimitër Baze, 74 vjeç, është gjetur në qytezën e Leskovikut në gjendje mjaft të mirë shëndetësore. Sipas burimeve policore mësohet se gjatë këtyre 48 orëve kishte shkuar tek të afërmit e tij.
74-vjeçari kishte dalë nga shtëpia 2 ditë më parë për të kullotur bagëtitë në zonën e Postenit dhe nuk ishte kthyer më. Menjëherë familjarët të alarmuar kanë njoftuar policinë dhe kanë kërkuar ndihmë për gjetjen e tij.
Për të gjetur të moshuarin, u angazhuan më tepër se 50 forca policore. Ai u kërkua për 48 orë rresht në malin e Melesinit, ku dyshohet se kishte humbur. Dhimitër Baze kishte humbur dhe përfunduar në një fshat tjetër të largët, nga ku i është ofruar ndihmë nga banorët e fshatit.
