Ka rënë në prangat e policisë autori i dyshuar si zjarrvënësi i automjetit tip “Range Rover” të biznesmenit Qirjako Gjini.
Mësohet se autor është Ylli Kola, 25-vjeç, lindur në Tepelenë e banues ne Sarandë, me precedent të mëparshëm penale. Dyshohet se ai është paguar për djegien me benzinë të automjetit .
Informacion paraprak:
Specialistët e Krimeve pranë Komisariatit të Policisë Sarandë, pas hetimeve të kryera në lidhje me djegien e automjetit Range Rover në lagjen nr.4, më datë 02.08.2019, kanë bërë të mundur identifikimin dhe kapjen e autorit të dyshuar, shtetasin Y. K., 25 vjeç, banues në fshatin Toç, Tepelenë.
25 vjeçari nga Tepelena dyshohet se për motive të dobëta, i ka vënë zjarrin me lëndë djegëse automjetit në pronësi të shtetasit Q.Gj. Materialet iu referuan Prokurorisë në ngarkim të tij për veprën penale “Shkatërrimi i pronës me zjarr”.
