Fillimisht u fol për një shumë prej 35 milion lekë të reja të cilat ishin vjedhur bashkë me kasafortën, por në denoncimin që avokati dha në policinë e Durrësit, kjo shumë nuk u deklarua.
Ngjarja ka ndodhur të premten e javës së shkuar, në lagjen 4 në Durrës, ndonëse ky rast është tentuar të mbahet i rezervuar nga familjarët e avokatit.
Vetë avokati Edmond Saliu, kur ka konstatuar vjedhjen e kasafortës, i është drejtuar rajonit të policisë. Ai u ka thënë hetuesve se nuk kishte dijeni sa para ishin në kasafortën që i vodhën brenda në shtëpi.
Policia fillimisht ka dyshuar tek familjarët, kjo pasi nuk kishte thyerje të derës e dritareve.
Me marrjen e denoncimit nga avokati, këtë të martë çështja është referuar në prokurori, dhe kanë nisur hetimet për zbardhjen dhe gjetjen e autorëve.
