Gjendet i djegur një automjet në qytetin e Elbasanit. Makina është djegur në orët e para të mëngjesit, ndërsa mësohet se ishte në pronësi të një biznesmeni. Ngjarja ka ndodhur në lagjen “Visarion Xhuvani”, ndërsa makina ka qenë e parkuar në hyrje të një pallati.
Dyshohet se ngjarja është e qëllimshme, teksa pak kohë më para është tentuar që automjetit në pronësi të biznesmenit në fjalë t’i vihet flaka.
Mësohet se automjeti është djegur pjesërisht, ndërsa policia ka mbërritur në vendngjarje pas njoftimit nga banorët.
