Administratori i Vllaznisë Suad Lici, të cilit i është vendosur një pako e dyshimtë me eksploziv poshtë mjetit, ka reaguar së fundmi publikisht.
Ai ka deklaruar se nuk ka konflikte me askënd dhe se është një njeri i lirë.
“Nuk kam konflikte me askënd. Jam një njeri i lirë. S’kam pasur asnjë shqetësim”, tha ai në një prononcim për gazetarët.
“Nëse ka pasur probleme me sportin, jam sqaruar. Ja lë në dorë organeve kompetente që të zbardhin ngjarjen. Do vazhdoj me aktivitetin tim. Nëse është marrëdhënie me sportin, mendoj se njerëzit, çdo strukturë kriminale, duhet të rrijë larg sportit. Pasi ky qytet ka nevojë për shumë gjëra. Jam njeri i lirë dhe pas kësaj ngjarje”, vijoi ai.
