Opinioni publik në Rusi është shokuar nga pamjet virale, ku tregojnë se si një “i vdekur” është çuar papritur. Prej ditësh video qarkullon në rrjetet sociale, ku duket një person që i mbuluar me çarçaf, çohet nga shtrati. Video tregon një “kufomë të ringjallur”, që dyshohet se është filmuar në një nga morgjet e Tverit, raporton Tengrinews.kz.
Pamjet tregojnë se si një burrë i mbuluar me një çarçaf, ngrihet nga tavolina. Në mbishkrimin e videos, vihet re se kufoma ndodhet në morgun e Tverit. Më vonë, Ministria e Shëndetësisë e rajonit Tver e quajti videon false, duke theksuar se në qytet nuk ka morg që duken si ambientet nga regjistrimi.
“Videoja është e rreme. Dhoma në video, e cila pretendohet se është caktuar si një nga morgjet e Tverit, nuk është e tillë. Nuk ka morgje në Tver të ngjashme me atë që shfaqet në video”.
Shërbimi për shtyp i një prej kinemave në internet pranoi se video me kufomën e ringjallur doli të ishte fotografi nga filmi. “Dëshirojmë t’ju informojmë se videoja që u shfaq në këtë lajm është pamje nga traileri i rrjedhur në rrjet”, thuhet në një deklaratë të kinemasë të cituar nga Moskva24.
Burimi i lajmit: tengrinews. Përshtatur nga Tirana Today
