Këngëtari mjaft i dashur për publikun, Sabri Fejzullahu, ka rrëfyer te “Rudina” historinë e dashurisë së të birit Ermal me bukuroshen Ariana Fejzullahu. Ai u pyet në lidhje me momentin kur mësoi dashurinë e Ermalit për partneren e tij, ndërsa tregoi se e kishte këshilluar të birin që të ndiqte karrierën.
Sabriu zbuloi se kishte vetëm një javë që e kishte këshilluar të birin që të ndiqte karrierën, dhe të martohej 38 vjeç.
Por Ermali kishte vendosur që dashurinë me Arianën ta kurorëzonte në martesë, në moshën 20-vjeçare.
“Një javë më parë biseduam unë dhe Nera. I thamë që duhet të martohesh diku 37-38 vjeç. Duhet të merresh me karrierën. Dhe pas një jave na tha: “Uluni këtu: Dua të martohem! Unë kam rënë në dashuri”. Dhe i thashë unë: “Me atë pikën e bukur këtu (nishanin e Arianës), me atë gocën e bukur? Pikërisht me të më tha. Ia bëmë dy dasma, një dasmë të shtunën për fisin, diku 700 vetë. Pastaj të nesërmen për VIP-at, shoqërinë, nja 500 vetë”, u shpreh Sabriu.
