Gazetarja Dasara Karaiskaj ka folur për sherrin e bujshëm me reperin Noizy. Në një postim në Instagram, Noizy e quajti gazetaren Dasara Karaiskaj “dhëmbë kalbur”. “Repi në Shqipëri ka ardhur në 2008/2009,” shkruan më pas reperi.
Tashmë që kanë kaluar disa muaj, Ronaldo Sharka e pyeti Dasarën për “Mes Yjesh” në Ora News, ku kjo e fundit foli për herë të parë publikisht.
Si ndihet një bashkëshort italian, kur sheh që një reper shqiptar me shumë influencë, Noizy, i thotë bashkëshortes së tij dhëmbë kalbur. Meqë ra fjala, i ke rregulluar dhëmbët?
“Unë nuk i kam pasur të prishur dhëmbët në atë kohë. Unë besoj që dhe ai vetë e kuptoi që zbriti shumë poshtë në nivel, në mënyrën se si më komentoi. Unë fola për muzikën që në fund të fundit kam të drejtën time të mos më pëlqejë. Nuk u mora as me buzët e trasha, as me dhëmbët… Sepse gomari nuk çalon nga dhëmbët përgjithësisht, dhe as nga veshët! Në atë kohë unë kisha bërë transplant dhëmbësh. Dhe nga që kisha bërë transplantim, ishte normale që të kisha mishin e dhëmbëve të nxirë, por që nuk më bëhet vonë fare për këtë domethënë”.
Me Noizyn ke pasur mundësi këto muaj të takohesh, të ka shkruar në Instagram për sqarim?
“Jo, nuk ka rendësi, nuk është e nevojshme kam përshtypjen, fare”.
Ti u mërzite kur pe postimet në Instagram?
“Jo, por u habita sepse isha gati për t’u futur në transmetim, në emision. Filloi një lum mesazhesh, u ndjeva e viktimizuar sepse u vinte keq njerëzve për mua, dhe ndërkohë s’po kuptoja. Pastaj shkova dhe e pash sepse më kishte bërë tag, por e fshiu shumë shpejt”.
