Covid-19 i ka marrë jetën një tjetër mjeku në vendin tonë. Bëhet fjalë për mjekun okulist Ferdinand Shkrepa, i cili ndërroi jetë në moshën 68-vjeçare.
Mësohet se mjeku i njohur nga Elbasani po luftonte me virusin prej një jave, ndërsa kishte rreth 7 ditë që ishte shtruar në spitalin Infektiv.
Edhe pse me një trajtim të specializuar, ai nuk arriti ta fitojë betejën me Covid.
Shkrepa punonte më orar të reduktuar në Poliklinikën e Specialiteteve në Elbasan, ku kryente vizita me pacientët.
Situata epidemiologjike në vend, mbetet e rënduar pasi vijojnë të regjistrohen shifra të larta të të infektuarve dhe viktimave nga Covid-19.
Në 24 orët e fundit, u raportuan 645 raste të reja dhe 18 viktima.
