Drejtori i Ujësjellësit të Fushë Arrëzit, Anduel Gjinaj është sulmuar. Ai ka bërë denoncim në polici dhe në Prokurorinë e Pukës, për dhunën që i është ushtruar.
Anduel Gjinaj ka zbuluar se është goditur nga shtetasi me inicialet M.Q., për shkak të detyrës. Kjo situatë, sipas tij, ka ardhur pasi i kishte shkëputur një linjë uji të paligjshëm.
“Jam goditur nga shtetasi M.Q., për shkak të detyrës. Shtetasit M.Q. i shkëputa një linjë uji të paligjshëm”, ka thënë Gjinaj.
Mësohet se drejtori i Ujësjellësit është goditur para institucionit që ai drejton. Ende nuk ka një njoftim zyrtar nga policia, lidhur me ngjarjen në fjalë.
