Aktualitet

I sekuestrohen 500 mijë euro pasuri, kush është vlonjati i dënuar në Itali


               Publikuar në : 09:34 - 06/12/19 L M

Policia e Vlorës vendos sekuestro preventive mbi disa pasuri që kapin vlerën rreth 500 mijë euro. Bëhet fjalë për 2 apartamente banimi në Vlorë dhe Orikum, 1 pemishte në Radhimë, 2 automjete dhe 2 llogari bankare.

Këto sekuestrime pasurore i përkasin shtetasit Luan Beshaj, pasi dyshohet se i ka siguruar nga veprimtaria kriminale e pastrimit të parave.

“Këto sekuestrime pasurore janë në kuadër të procedimit penal proaktiv të vitit 2014, ndaj shtetasit Luan Beshaj  si person i dyshuar për kryerjen e veprës penale “Pastrimi i produkteve të veprës penale ose veprimtarisë kriminale”, thuhet në njoftimin e policisë.

Mësohet se Beshaj ka qenë i dënuar në Itali për veprën penale “Trafikim narkotikësh”.

Kthehu
WhatsApp Denonco ne TT