Sot në të gjitha mediat u publikua një video ku shoferi i një furgoni dhunonte nxënësit. Për videon ka reaguar ish-kryeministri Sali Berisha dhe Ministria e Arsimit.
Ndërkohë mbrëmjen e sotme, policia konfirmon arrestimin e shoferit të fërgonit i cili dhunoi dy fëmijë. Burime nga policia bënë me dije se Edmond Sela, 35 vjeç, banues në fshatin Burim akuzohet se ka dhunuar dy nxënës, pasi pretendonte se i kishin djegur me cigare sediljet e automjetit.
Nga verifikimet e kryera ka rezultuar se 35-vjeçari, i cili drejtonte automjetin e tij autobus, me targa AA 633 BO kryente transportin e nxënësve në rrugë dytësore nga fshati Burim për në shkollën e Majtarës, në njësinë administrative Maqellarë.
Ngjarja në fjalë ka ndodhur më datë 4, ndërsa lajmi u bë i ditur vetëm sot. Video është publikuar në Facebookun e Berishës.
“Ky është dajak transport! Shikoni si rreh nxënësit shoferi i paguar për transportin e tyre në shkolle.
Në përfundim të veprimeve të para hetimore shtetasi Edmond Sela, u arrestua për veprën penale “Keqtrajtim i të miturit”, parashikuar nga neni 124/b i Kodit Penal. Gjithashtu rezultoi se kishte mangësi në dokumentacion, e për mangësitë e konstatuara do të procedohet administrativisht nga Policia Rrugore.
“Drejtoria Vendore e Policisë Dibër është e angazhuar maksimalisht për sigurinë e qytetarëve, veçanërisht për sigurinë e fëmijëve dhe fton qytetarët, nxënësit, prindërit e mësuesit të denoncojnë çdo shkelje apo cënim të dinjitetit, shëndetit e jetës së tyre, duke garantuar një reagim të shpejtë profesional dhe të paanshëm”, thuhet në njoftimin e policisë së Dibrës.
