Joe Biden ka mbërritur në Shtëpinë e Bardhë, ku do të fillojë orët e para të punës si President i SHBA, me firmosjen e disa dekreteve të rëndësishme.
I shoqëruar nga Zonja e Parë, bashkëshortja Jill Biden, i pari i Amerikës ka kryer ritualin e përhershëm, teksa ka zhvilluar paradën ku ka përshëndetur të gjithë mbështetësit e tij.
Më pas ai ka mbërritur në Shtëpinë e Bardhë, derën e së cilës e ka hapur me gruan e tij. Para se të futeshin brenda, ata i dhanë njëri-tjetrit një përqafim plot dashuri.
Joe Biden është betuar sot në ndërtesën e Kapitolit, me dorën mbi biblën e familjes së tij që nga viti 1893, duke u bërë kështu zyrtarisht Presidenti i 46-të i Shteteve të Bashkuara të Amerikës. Më herët u betua dhe zëvendësja e tij, Kamala Harris.
