Një grup prej 4 gjahtarësh kanë vrarë gabimisht një burrë bashkë me vajzën e tij, pasi i ngatërruan ata me drerë.
Ngjarja në fjalë u shënua ditën e parë të këtij viti në Karolinën e Jugut në Shtetet e Bashkuara të Amerikës. 30-vjeçari, Kim Drawdy dhe vajza e tij Lauren, 9 vjeçe u vranë aksidentalisht teksa shëtisnin në pyjet e Walterboro.
Ata mbetën të vdekur në vend prej të shtënave me çifte, ndërsa ndihma e shpejtë u lajmërua rreth orës 14:30. Babë e bijë ishin të pasionuar pas gjuetisë dhe ishte një aktivitet të cilin e praktikonin rregullisht bashkë.
Ky nuk është rasti i parë i ngjashëm i identifikuar në Karolinën e Jugut, teksa edhe gjatë vitit 2019 gjetën vdekjen dy persona në rrethana të ngjashme.
