Mijëra njerëz kanë mbushur rrugët e Bagdadit teksa po shoqërohej për në banesën e fundit gjenerali iranian, Qassem Soleimani që u vra nga një sulm i SHBA.
Ata brohorisnin ‘Vdekje për Amerikën’dhe ‘Amerika është Djalli i Madh’, ndërsa ata ecnin pranë arkivoleve të Soleimani, dhe Abu Mahdi al-Muhandis, komandantit që u vra gjatë sulmit ndaj gjeneralit.
Goditja e cila vrau edhe katër Gardianë Revolucionarë Islamikë dhe 5 anëtarë të rrjetit paramilitar pro-Irani të Irakut zemëroi Teheranin, i cili u zotua për hakmarrje ndaj Amerikës.
Ndërkohë Iraku kërcënoi se do të urdhëronte dëbimin e të gjitha trupave amerikane nga vendi, pas asaj që e quajti ‘një shkelje të pacipë të sovranitetit të Irakut’.
Nga ana tjetër, presidenti Donald Trump tha se ai urdhëroi vrasjen e Soleimani për të parandaluar luftën, pasi sipas tij komandanti po komplotonte sulme amerikanëve.
Nga ana tjetër, presidenti Donald Trump tha se ai urdhëroi vrasjen e Soleimani për të parandaluar luftën, pasi sipas tij komandanti po komplotonte sulme amerikanëve.
Nga ana tjetër, presidenti Donald Trump tha se ai urdhëroi vrasjen e Soleimani për të parandaluar luftën, pasi sipas tij komandanti po komplotonte sulme amerikanëve.
“Ne vepruam mbrëmë për të parandaluar një luftë. Ne nuk kemi ndërmarrë veprime për të filluar një luftë”, tha Trump.
Vajtuesit në kryeqytetin e Irakut mbajtën sot në duar postera të Soleimanit dhe flamuj të milicisë Kataeb Hezbollah. Ceremonia nisi në faltoren ‘Imam Kadhim’ në Bagdad. Më pas turmat u drejtuan drejt jugut në një pikë afër Zonës së Gjelbër.
Ndërkohë mijëra demonstrues të zemëruar qëndruan jashtë zyrave të KB në kryeqytetin e Iranit, duke kërkuar ndëshkim për vrasjen e Soleimani.
Dje udhëheqësi suprem i Iranit, Ayatollah Ali Khamenei vizitoi shtëpinë e familjes së babait të 5-vjeçarit që ndërroi jetë si pasojë e këtij sulmi.
