Emërimi i Antonio Kontes në krye të Totenhemit, solli ndryshime në klub. Tekniku i dha një vemendje të veçantë ushqimeve që konsumonin lojtarët, të cilëve ju ndaloheshin brumërat ose gjëra të tjera me shumë yndyrë. Duke marrë shkas nga kjo kërkesë strikte, në dyert e klubit ka ardhur një porosi që i ka surprizuar të gjithë.
Kompania austriake “Kurtis Brothers”, e specializuar në prodhimin e keçapit, ka dërguar një shishe për klubin me një shkrim drejtuar Antonio Kontes. Kompania është vënë në dijeni të ndalimit të këtij produkti për lojtarët, por i jep një shpjegim se pse ai gabon.
“I dashur Antonio, ne e morëm vesh që ju ndaluat keçapin. E mbështetëm vendimin tuaj. Të ushqyerit shëndetshëm është e rëndësishme, por dhe kënaqësia është. A e dini se çfarë vjen nga Italia? Domatet tona, Antonio. Jo çfarëdo lloj keçapi është i njëjtë. Kështu që mos evito gjithçka”.