Kryesore

I martuar me Kryemadhin, a ka konflikt interesi? Nxehet presidenti, ja si përgjigjet

               Publikuar në : 16:40 - 11/06/19 S.N

Gjatë konferencës për shtyp që po mbahet në Presidencë, një nga gazetarët ka pyetur Metën nëse përbën konflikt interesi fakti që ai është i martuar me kryetaren e LSI-së, Monika Kryemadhi.

Kjo pyetje ka revoltuar disi Metën, i cili ruajti qetësinë, por përgjigja e tij ishte mjaft e prerë, teksa tha “mos u bëni qesharakë!”, ndërsa vijoi më tej me argumentin se Presidenti është i vetmi institucion që vendos për zgjedhjet, të cilat nuk do të zhvillohen pa dekretin e tij.

Ndër të tjera, Meta tha se vendimet e Presidentit i gjykon vetëm Gjykata Kushtetuese, duke iu referuar thashethemeve se Kryemadhi ka ndikuar në vendimin e tij:

“Mos u bëni qesharakë, në republikën e Shqipërisë ka vetëm një institucion që shpall zgjedhjet dhe ky institucion është presidenti i republikës. Mos u lodhni kot duke shpikur institucione të tjera. Vendimet e tij i gjykon vetëm gjykata kushtetuese. Por zgjedhje në republikën e Shqipërisë nuk ka dhe nuk do të ketë pa dekretin e presidentit!”

Kthehu
WhatsApp Denonco ne TT