Shumë persona kanë dyshime të forta se mund ta kenë kaluar koronavirusin shumë kohë më parë. Një ndër ta është edhe aktori i humorit Agron Llakaj, i cili ka deklaruar se ndoshta mund të jetë infektuar me Covid-19 që në fillim të muajit janar.
I ftuar në emisionin “Vizioni i Pasdites”, aktori kujton kohën kur në janar është sëmurë. Simptomat që kishte shfaqur ishin temperaturë e lartë, frymëmarrje e vështirësuar.
“Nga data 3 Janar që prej datës 26 unë kam kaluar një grip të paparë të rëndë, të rikthyer dy herë me temperaturë me frymëmarrje të vështirësuar. Ndoshta e kam kaluar koronavirusin, se unë grip të tillë s’kam kaluar në jetën time. Bëra skopi kisha problem, fillova antibiotikë dhe nuk e di nëse e kam kaluar apo jo”, ka treguar Agroni.
Ai tha se në krahasim me familjarët e tij, e ka kaluar ndryshe këtë periudhë. Ka qënë i angazhuar me punën, e po kështu është më në formë pasi është dobësuar.
“Nga vetë natyra, jam njeri që i zbatoj dhe jam rigoroz. Marrëdhënia me punën më ka bërë që mos kem të njëjtin përjetim si familja ime. Ime shoqe dhe mbesa ime nuk e kanë parë dritën e diellit. Kjo më ka shërbyer, ardhja në punë, kam përjashtuar makinën. Kam humbur kile dhe ndihem më i motivuar”, ka thënë aktori i humorit.
