Nëna e 15-vjeçarit të dhunuar nga policia, Zaida Çobo ka vendosur të tërheqë padinë ndaj drejtorit të Policisë së Shtetit Ardi Veliu.
Sipas News 24, Çobo mori këtë vendim pas takimit që pati ballë për ballë me Veliun sot. Zaida Çobo ngriti padi ndaj Veliut pasi ky i fundit tregoi një video të sajën me armë, duke pretenduar diçka tjetër. Por e vërteta ishte se videoja në fjalë ishte pjesë e një skenë filmi ku Çobo kishte luajtur.
“Doja të jepja një shembull qytetarie. Pranova ndjesën e Drejtorit të Policisë, pas takimit me të. Tani ndihem e qetë dhe mu duk e pakuptimtë të vijoja procedurat ligjore.
Kam hequr dorë vetëm ndaj padisë për fyerjen që mu bë. Ndërsa për çështjen e dhunës ndaj djalit do e vijoj deri në fund”, është shprehur nëna e adoleshentit të dhunuar.
Zaida Çobo është nëna e 15-vjeçarit që u dhunua para disa javësh nga policia, në zonën në afërsit të Liqenit Artificial.
