Deputeti i Partisë Socialiste Jurgis Çyrbja ka reaguar pas daljes së përgjimeve ku rezulton se ndihmon bandën e Emilano Shullazit. Ndërsa vetë opozita ka kërkuar arrestimin e tij.
Në një postim në Facebook, Çyrbja i konsideron deklaratat e Partisë Demokratike si lajme vere, që synojnë sipas deputetit të dëmtojnë imazhin e tij.
“Gjithçka pretendohet sot i kam sqaruar në prokurori dhe në dëshminë time përpara organeve të drejtësisë më shumë se një vit më parë”, shkruan Çyrbja në FB.
Reagimi në FB i Jurgis Çyrbja: Korrekt para ligjit dhe para zgjedhësve. Jam i detyruar të jap një shpjegim publik si detyrim nga zgjedhësve të mij mbi atë çfarë në media është transmetuar dhe më pas është keqpërdorur si gjithmonë nga opozita pa ekip dhe pa lidership.
Gjithçka pretendohet sot i kam sqaruar në prokurori dhe në dëshminë time përpara organeve të drejtësisë më shumë se një vit më parë.
Dua të informoj publikun se kjo është një çështje e hetuar nga Prokuroria ku unë kam dhënë të gjithë informacionet dhe dëshmitë.
Ata që sponsorizojnë lajme vere, nuk do të arrijnë qëllimin për të dëmtuar imazhin tim dhe të grupit parlamentar ku kam nderin të bëj pjesë, sikundërse nuk e arritën edhe para një viti me po të njëjtin lajm vere.
