Gjykata ka liruar nga arresti këngëtarin e njohur Aleksandër Gjoka. Lajmi është bërë i ditur vetëm pak minuta më parë, pasi gjykata ka shqyrtuar kërkesën e prokurorisë. Kjo e fundit kishte kërkuar masën “detyrim paraqitjeje”.
Kujtojmë që këngëtari legjendar i rrokut shqiptar u arrestua dje pasi u kap nga forcat e policisë duke drejtuar mjetin në gjendje të dehur. Ai u arrestua rreth orës 00:15 në rrugën “Sotir Caci” duke drejtuar mjetin veturë, tip ‘Chevrolet”.
Pas testimit me aparat “Drager”, nga shërbimet e Policisë Rrugore rezultoi se Gjoka drejtonte mjetin në gjendje të dehur në masën 0.66 mg/l.
