Te Tirana këtë verë nuk ka vetëm afrime, pasi janë larguar disa lojtarë, shumica prej tyre të huaj. Ditën e sotme, një tjetër futbollist i ka dhënë lamtumirën, bardhebluve. Bëhet fjalë për mbrojtësin Klisman Cake, i cili ka qenë pjesë e Akademisë së Tiranës, që në moshë të vogël.
Cake ka luajtur me Tiranën plot 31 ndeshje dhe ka qenë me skuadrën në momentet e vështira të Kategorisë së Parë. Përmes një postimi në rrjetet sociale ai i ka dhënë lamtumirën klubit dhe ka falënderuar këdo që e ka mbështetur.
Postimi i plotë:
“Faleminderit për gjithçka Tirana. Ishte krenari për mua që vesha bluzën e ekipit më titullar në Shqipëri për gjithë këto vite . Falënderoj presidentin, drejtuesit dhe gjithë trajnerët që kam pasur në drejtim. Një falënderim i veçantë dhe për gjithë shokët e ekipit që kam pasur sidomos për ata më të vjetrit që më kanë mbështetur në çdo moment”.
https://www.instagram.com/p/B0s1bqAA3W8/
