Një 25-vjeçar nga Tirana është arrestuar nga policia, pasi përndiqte në mënyrë të vazhdueshme një 29-vjeçare.
Shtetasi me inicialet E.K., është konfliktuar me vëllanë e saj, e po kështu i ka dëmtuar makinën që kishte të parkuar.
Burime zyrtare të policisë njoftojnë se i riu kishte shkuar në banesën e shtetases A. A., dhe është konfliktuar me vëllanë e saj, si dhe i ka dëmtuar atij mjetin e parkuar.
Po kështu, gjatë kontrollit të ushtruar në mjetin e shtetasit E. K., u gjet dhe u sekuestrua në cilësinë e provës materiale një mjet prerës (thikë).
Njoftimi i policisë
Nga specialistët për Hetimin e Krimit në Komisariatin e Policisë Nr. 1 u bë arrestimi në flagrancë, për veprat penale “Përndjekja”, “Mbajtja pa leje e armëve të ftohta” dhe “Shkatërrim i pronës”, i shtetasit E. K., 25 vjeç, pasi ka përndjekur vazhdimisht për një periudhë kohe shtetasen A. A., 29 vjeçe.
Shtetasi E. K., ka shkuar në banesën e shtetases A. A., dhe është konfliktuar me vëllanë e saj, si dhe i ka dëmtuar atij mjetin e parkuar. Në vijim të veprimeve, gjatë kontrollit të ushtruar në mjetin e shtetasit E. K., u gjet dhe u sekuestrua në cilësinë e provës materiale një mjet prerës (thikë). Materialet i kaluan Prokurorisë së Rrethit Gjyqësor Tiranë, për veprime të mëtejshme.
