Reperja e famshme, Cardi B njihet si personazh pa komplekse dhe gjithnjë është treguar e hapur për të folur rreth të shkuarës së saj.
Përpara se të bëhej e famshme, këngëtarja punonte si striptiste, dhe gjatë kësaj periudhe ajo ka rrëfyer publikisht, përmes një video-je filmuar tre vite më parë, se drogonte meshkujt dhe më pas u vidhte paratë.
Vetëm disa orë më parë, video-ja është bërë virale dhe gjithë interneti po flet për të. Ajo nuk ka qëndruar e heshtur. Së fundmi, ka reaguar përmes një postimi në llogarinë e saj në ‘Instagram’, duke treguar arsyen se përse ka bërë veprime të tilla.
26-vjeçarja pohoi se ajo e ka bërë gjithçka vetëm për të mbijetuar.
“Po shoh në rrjetet sociale që videoja live që kam bërë para 3 vitesh është bërë virale. Në ‘live-in’ ku kam folur rreth gjërave që duhej t’i bëja në të shkuarën time, të drejta apo të gabuara, që duhet t’i bëja për të jetuar. Unë bëra atë që duhej të bëja për të mbijetuar!”- shkruan Cardi.
