I dënuari për vrasjen e 4 oficerëve të policisë, Dritan Dajti është dërguar në spitalin e QSUT-së, teksa mësohet se do t’i nënshtrohet një operacioni.
Në këtë vizitë ai është shoqëruar në disa efektivë nga policia e Tiranës. Ai ka mbërritur atje pak më parë dhe bën ekzaminimet e nevojshme. Në nëntor të vitit 2020, Dajti ka qenë në spital ku ka hequr një gur në veshka.
Herën e fundit që Dritan Dajti u soll në Tiranë në një klinikë private, u pezulluan disa policë të burgjeve, pasi nuk kishin njoftuar drejtorin e burgjeve.
Deri më tani, nga ana e zyrtarëve nuk janë bërë me dije detaje lidhur me gjendjen e tij shëndetësore.
Dritan Dajti, u dënua me akuzën e vrasjes në rrethana cilësuese të oficerëve të policisë, Fatos Xhani, Sajmir Duçkollari, Altin Dizdari dhe Kastrit Feskaj gjatë një operacioni policor për kapjen e tij në vitin 2009.
