Karabinierët kapin në befasi trafikantin shqiptar në Trenzano, të kërkuar nga autoritetet evropiane. Karabinierët e Njësisë Operative të Compagnia di Chiari kanë arrestuar 37 vjeçarin shqiptar me leje të rregullt qëndrimi në Trenzano.
Identiteti i tij nuk është bërë i ditur, por autoritetet kanë thënë se figuron i dënuar me 8 vite burg në 2015 nga gjykata shqiptare.
Policia ishte vendosur pranë shtëpisë duke vëzhguar çdo lëvizje të dyshimtë të tij.
Ditën e diele shqiptari kishte shkuar të kalonte një fundjavë me familjarët e tij, por karabinierët e kapën në befasi. Pas arrestimit ai tentoi të arratisej duke iu drejtuar njërit prej ballkoneve në pjesën e pasme të shtëpisë, nëpërmjet të cilit do të arrinte fushat rreth zonës së banimit duke u zhdukur pa lënë gjurmë.
Policia italiane kishte izoluar të gjitha rrugët e mundshme të arratisjes duke mos i dhënë asnjë rrugëdalje trafikantit të drogës.
Hetuesit e konsideruan shqiptarin si një element të rangut të lartë kriminal dhe e shoqëruan në burgun e Breshias.
Përshtati Tirana Today
Denonco ne TT