Këngëtarja shumë e dashur për të gjithë po kalon ndoshta momentet më të vështira në jetën e saj. Behet fjalë për bukuroshen Elvana Gjata, e cila që prej ditës së djeshme ka qenë në qendër të vëmendjes mediatike. Këtë herë jo për famën dhe sukseset e saj të njëpasnjëshme në tregun muzikorë, por për faktin se dyshohet se ajo ka qenë “molla e sherrit”, për përplasjen me armë që ndodhi mbrëmjen e së enjtes në ish-Bllok.
Tashmë të gjithë ata që ishin të impresionuar pas saj, dhe këngëve të saj duket se i janë kthyer kundër. Një lumë komentesh fyese kanë vërshuar në llogarinë e rrjetit social “Instagram” të këngëtares. E gjitha kjo ndodhi pas raportimeve se ajo ishte shkaku i vrasjes së mbrëmjes së të enjtes në një lokal në zonën e ish-Bllokut në Tiranë.
E përballur me këtë situatë të rëndë, këngëtarja ka vendosur të bllokojë të gjitha komentet në fotografinë e fundit të postuar në “Instagram”, ku ndaj saj janë bërë komente fyese.
Në fotografinë e fundit të postuar në “Instagram” nga këngëtarja, nuk është asnjë koment. Pra vetë Elvana Gjata i bllokuar komentet, kjo një mënyrë për të shmangur ndoshta përplasjen me fansat e saj por jo vetëm.
Për, ngjarjen e ndodhur në ish-Bllok, policia ka shpallur në kërkim të dashurin e saj, Ervin Mata si dhe dy miqtë e tij Fabio Allushi,dhe Mevjol Bilo.
Ai dhe dy miq të tij ende po kërkohen nga policia, ndërsa Ervis Martinaj dhe Eljon Hato janë arrestuar. Këta dy të fundit janë të shtruar në spital pasi morën plagë nga ngjarje e rëndë. Nga përplasje me armë fatkeqësisht ndërroi jetë i riu Fabian Gaxha. Merviol Bilo, me profesion komando mendohet se ka qëlluar me armë bashkë me Fabiol Alushin. Në konfliktin e armatosur janë përfshirë 6 persona, pjesëtarë të dy grupeve./TIRANA TODAY/
