Një ngjarje e rëndë tronditi Kavajën mbrëmjen e sotme, ku si pasojë e një konflikti mbeti i vdekur 26-vjeçari, Marjus Ismaili.
Dyshohet se konflikti ka ndodhur për arsye banale dhe se të dy kanë qenë nën efektin e alkoolit. Viktima Marjus Ismaili rezulton të jetë një emër i njohur për policinë. Mësohet se 26-vjeçari ka qenë i arrestuar për “vrasje të mbetur në tentativë” 7 vite më parë.
Më 29 korrik 2012, Ismaili u ndalua nga policia, pasi së bashku me një person tjetër, për shkaqe banale, pas grindjeve në lokale bastesh sportive, plagosën rëndë me thikë dy persona të tjerë.
