Elseid Hysaj është një ndër lojtarët më të mirë në Serie A, sa i përket pozicionit të tij në fushë. Për këtë arsye interesi për të pasur shërbimet e mbrojtësit janë në garë gjigantët europianë. mbrojtësi kuqezi ka përfunduar prej kohësh në radarët e Barcelonës, Atletikos së Madridit, Manchester United apo edhe Chelsea-t, tashmë Juventusi duket se po mendon seriozisht blerjen e 24-vjerçarit.
Hysaj ka qenë prej kohësh në objektivin e “Zonjës së Vjetër”, por tashmë që po mbyllet sezoni interesi është rritur më shumë, duke pasur parasysh aftësitë e mira që gëzon ai në të dyja krahët e mbrojtjes. Duke vlerësuar situatën e krijuar, te Napoli po mendojnë që të marrin masat për të mos e humbur yllin shqiptar, sepse vetëm klauzola me vlerë 50 milionë euro mund të mos mjaftojë.
Presidenti Aurelio De Laurentiis, edhe pas konsultave me trajnerin Maurizio Sarri, nuk ka ndërmend ta shesë mbrojtësin. Kjo mund të jetë ndoshta një manovër për ta mbajtur skuadrën të përqendruar deri në fund në luftë për titullin, edhe pse deri në hapjen e merkatos gjithçka mund të ndodhë. Klubi vështirë se mund ti thotë “jo” milionave për Elseid Hysajn, por edhe vetë kuqeziu nuk do ta refuzonte kalimin në ndonjë prej skuadrave më të mëdha të arenës ndërkombëtare.
