Një ngjarje e rëndë ka ndodhur ditën e djeshme në ambientet e një godine ku po zhvillonin mësim studentët e Fakultetit Ekonomik.
Mësohet se dy person atë paidentifikuar kanë hyrë gjatë zhvillimit të një ore leksioni, duke ngacmuar pjesën më të madhe të studentëve. Dy personat kanë filluar të ngacmojnë vajzat, gjë e cila ka degjeneruar në dhunë fizike në ambientet e jashtme. Si pasojë e konfliktit, mësohet se 3 persona kanë përfunduar në spital.
Ndërkohë, në një prononcim për ‘Faxweb’, motra e njërës prej studentëve të lënduar nga sulmi, ka dhënë më shumë detaje nga ngjarja.
“Dy student të paidentifikuar kanë hyrë në mësim me pretendimin se janë të dërguar nga dekania, pedagogia i ka lejuar të hyjnë në mësim kanë sharë vajzat, pas mësimit dy vetë nga klasa kanë ngritur zërin ndaj sjelljes së tyre, pasi nuk mund ti duronin më kunjat e tyre.
Kur kanë dalë nga mësimi janë përballur me një grup 20 vetash të cilët kanë kaluar direkt në përleshje fizike, e vetmja arsye nuk duan të bëhen publike emrat është se kanë frikë mbi pushtetin e personave që fshihen pas tyre.
Një oficer i policisë gjyqësore është shprehur se Policia e shtetit nuk ka përgjegjësi për ngjarjen, pasi Universitetet ruhen nga polici gjatë natës.
Vëllai im ka qenë në spital gjatë natës, ka dëmtime në kokë dhe në trup, ka fraktura në hundë dhe në vesh, pritet që ti bëjmë skaner, që të shohim nëse ka probleme të brendshme.
S’ka pasur asnjë ndërhyrje nga ana e pedagoges, dhe as nga ndonjë person tjetër nga stafi akademik”, u shpreh ajo.
Studentët kanë qenë duke zhvilluar mësim në ambienet e godinës “Liria”, që ndodhet në afërsi të Fakultetit të Ekonomisë. Kjo për arsye se fakulteti po rikonstruktohet.
