Një shqiptar ka zgjedhur vendin dhe momentin e gabuar për të vjedhur, teksa u nis të grabiste një qendër sportive në Milano.
Mediat italiane shkruajnë se grabitja nuk ka shkuar ashtu siç shqiptari kishte planifikuar, pasi në momentin që ai nisi të kryejë grabitjen, në fushën e lojës kanë qenë duke luajtur karabinierët.
Ngjarja ka ndodhur mbrëmjen e të enjtes së 16 Majit, ndërsa në pranga ka rënë një shqiptar 33-vjeçar, identiteti i të cilit nuk bëhet i ditur. Ai hyri në qendrën sportive “Ardor” rreth orës 21:00 dhe iu drejtua dhomave të zhveshjes, ku tentoi t’i hapte me një kaçavide.
Për fatin e tij të keq, policët kanë pikasur tentativën e grabitjes, duke ndërhyrë teksa kapën në befasi shqiptarin. Ky i fundit tentoi të arratisej, por më kot, pasi u vu në pranga dhe akuzohet për tentativë vjedhjeje.
