Hyn sot në fuqi Ligji për Ndalimin e Lojërave të Fatit në Kosovë. Qeveria e Kosovës propozoi ligjin në fjalë pas dy vrasjeve të ndodhura në vend, ku mbetën të vrarë punëtorët e kazinove.
Më tej, ligji u votua në Kuvendin e Kosovës nga shumica e deputetëve.
Ligji në fjalë ishte botuar në Fletoren Zyrtare më 24 prill, teksa i njëjti konsiderohet se hyn në fuqi 15 ditë pas publikimit aty. Sipas këtij ligji, në Kosovë ndalohen të gjitha lojërat e fatit përveç Lotarisë së Kosovës.
Ndërkohë, Administrata Tatimore e Kosovës ka filluar me revokimin e licencave të këtyre bizneseve.
