Gjendet i pajetë trupi i 30 vjeçarit shqiptar, Dorian Licaj, i cili rezultonte i zhdukur që prej datës 30 Prill. Trupi i të riut u gjet në një kasolle rreth 1 kilometër larg nga shtëpia e tij, ndërsa mjekët thonë se është vetëvrarë.
Doriani kishte shkuar në Itali që në janar dhe ishte në kërkim të një pune. Hetimi për gjetjen e tij u bë nga karabinieri i Raguzës, ndihmuar nga vullnetarë të shumtë.
Sipas mediave italiane, viktima doli mbrëmjen e 30 prillit nga Marina di Ragusa, ku ai ishte mysafir te kushërinjtë e tij, ndërsa këta të fundit e kanë përshkruar si një njeri që vuante nga ankthi dhe para se të largohej ai kishte lënë një letër ku kërkonte falje për vuajtjet që do u shkaktonte njerëzve të familjes dhe të afërmve lidhur me veprimin që do bënte.
