Partia e kryeministrit në detyrë të Armenisë, Nikol Pashinyan ka fituar zgjedhje të parakohshme, sipas raportimeve më të fundit nga komisioni zgjedhor në vend.
Rezultatet paraprake nga të 2,008 qendrat e votimit, tregojnë se partia e Pashinyan Kontrata Civile, ka marrë 54% të votave, shkruan BBC.
Opozita e udhëhequr nga ish-Presidenti Robert Kocharyan, renditet e dyta me një diferencë të madhe, pasi kanë grumbulluar vetëm 22% të votave. Megjithatë, opozita ka deklaruar se zgjedhjet janë manipuluar.
Zgjedhjet u mbajtën, pas disfatës së Armenisë në luftën me Azerbajxhanin mbi rajonin e diskutueshëm Nago-Karabak.
Mijëra protestues manifestuan ditët pas marrëveshjes në rrugët e kryeqytetit Jerevan, duke kërkuar dorëheqjen e kryeministrit Pachinian.
Për këtë arsye, vetë Pachinian vendosi zgjedhje të parakohshme, si test ndaj popullaritetit të tij të rrezikuar nga turpërimi ushtarak.
Vitin e kaluar, Azerbajxhani rimori kontrollin e pjesëve të mëdha të rajonit malor, të cilin e humbi nga Armenia gjatë luftës së parë Nago-Karabak në 1988-94. Rajoni është i njohur ndërkombëtarisht si pjesë e Azerbajxhanit.
