Pas mbarimit të homazheve në Pallatin e Kongreseve, është përcjellë këtë pasdite për në banesën e fundit, deputeti socialist, Bashkim Fino.
Bashkim Fino mbylli sytë në orën 04:00 të mëngjesit të sotëm, pasi ishte infektuar me Covid-19 që nga 13 marsi, virus të cilin nuk e mposhti dot. Fino ka pësuar një arrest kardiak që i shkaktoi vdekjen.
Fino do të mbahet mend, mes të tjerash, si politikani që drejtoi vendin në postin e kryeministrit në periudhën më të vështirë për Shqipërinë, përkatësisht më 1997.
Për ndarjen e tij nga jeta reaguan të gjithë politikanët, të majtë e të djathtë, të cilët ishin sot të pranishëm edhe në homazhe te Pallati i Kongreseve.
