Aktori Logan Williams vdiq në moshën 16 vjeç. Shkaqet e vdekjes së interpretuesit të ri ‘Barry Allen’ në serialin ‘The Flash’ nuk janë bërë publike nga familja, por gazetat lokale kanë publikuar vetëm një shënim ku sqarojnë se Williams “vdiq papritur”.
Një dedikim për talentin e ri u bë nga aktori, kolegu i tij në serialin televiziv, Grant Gustin, i cili publikoi një fotografi të tij në setin e The Flash.
Logan Williams kishte interpretuar Barry Allen në sezonin e parë dhe të dytë të shfaqjes, por kishte treguar talentin e tij edhe në ‘Supernatural’, ‘The Whispers’ dhe ‘When Calls the Heart’.
E ëma, Marlyse Williams, deklaroi se është absolutisht e shkatërruar nga vdekja e djalit të saj dhe se as nuk mund të kërkonte mbështetjen e prindërve të saj të moshuar për shkak të masave të mara për distancim shoqëror, të cilat zbatohen gjithashtu në Kanada për të frenuar koronavirusin.
