Një 82-vjeçare e cila ka humbur jetën në Sanatorium, për shkak të problemeve të shumta shëndetësore, ka rezultuar me koronavirus pas vdekjesas.
Ministria e Shëndetësisë njoftoi se e moshuara e cila vuante nga Fibroza pulmonare, stadi i fundit, insuficienca kardiake, fibrilacion atrial, diabet mellitus dhe HTA, me gjithë ndihmën e dhënë, ka jetuar vetëm disa orë pas shtrimit në spital.
Analiza për koronavirus ka rezultuar pozitive pasi ka ndërruar jetë, por ende po analizohet nëse koronavirusi ka qenë përgjegjësi kryesor i vdekjes së saj.
Në 24 orët e fundit në Shqipëri u shënuan 15 raste të reja: 11 në Tiranë, 3 në Krujë dhe 1 në Kamëz. Kështu shkon në 1,136 numri total i rasteve të regjistruara me koronavirus në vend.
