Një 18-vjeçare në fshatin Mullet të Tiranës ka ndërruar jetë në spital, pasi mbrëmjen e djeshme kishte shfaqur probleme shëndetësore. Familjarët kanë kërkuar ndihmë mjekësore për të renë, por pavarësisht ndihmës nga bluzat e bardha, për fat të keq ajo nuk ia ka dalë dot mbanë. Nga hetimet paraprake ka rezultuar se shtetasja me inicialet S. B., vuante nga sëmundja e epilepsisë. Grupi hetimor po punon për përcaktimin e rrethanave të ngjarjes.
“Më datë 17.06.2021, rreth orës 22:10, në Mullet, ambulanca ka transportuar në spital, për ndihmë mjekësore, shtetasen S. B., 18 vjeçe, e cila nuk është ndjerë mirë.
Me mbërritjen në spital, pavarësisht ndihmës së dhënë nga mjekët, shtetasja S. B. ka ndërruar jetë.
Nga hetimet paraprake ka rezultuar se S. B., vuante nga semundja e epilepsisë. Grupi hetimor po punon për përcaktimin e rrethanave të ngjarjes”.
