Gazetari holandez i kronikës së zezë Peter R de Vries vdiq nga dëmtimet e pësuara në një sulm me armë zjarri më herët këtë muaj në Amsterdam, sipas familjes. 64-vjeçari u qëllua me plumb në kokë, dhe u plagos rëndë 10 ditë më parë.
De Vries ishte një reporter i njohur i krimit në holandë dhe rregullisht shfaqej si zëdhënës i dëshmitarëve të gjyqit. Ai ishte i besuari i dëshmitarit kryesor në një gjyq të madh që është në proces e sipër kundër krimit të organizuar.
Ngjarja
Një ngjarje e rëndë ka ndodhur në kryeqytetin e Holandës, Amsterdam, ku gazetari i njohur investigativ Peter R de Vries është qëlluar me plumb në kokë.
64-vjeçari u qëllua sapo doli nga një studio televizive, ku po fliste lidhur me disa hetime për bandat kriminale, shkruan BBC. De Vries është mjaft i njohur për punën e tij në ekspozimin e mafiozëve dhe bandave të drogës dhe ka ndihmuar policinë të zgjidhë një numër rastesh të profilit të lartë.
Sipas informacioneve paraprake, de Vries ndodhet në spital në gjendje të rëndë. Lidhur me atentatin, policia ka arrestuar deri më tani 3 persona, por nuk ka dhënë informacion të detajuar nëse janë apo jo të dyshuar.
Gazetarit iu dha mbrojtje policore pasi mori kërcënime për përfshirjen e tij në çështjet penale si gazetar hulumtues. Në vitin 2019, ai shkroi në Tëitter se policia i kishte thënë se ishte në listën e kriminelit më të kërkuar të Hollandës.
Kryetari i bashkisë së Amsterdamit, Femke Halsema, e përshkroi De Vries si një hero kombëtar për të gjithë holandezët dhe një gazetar i rrallë, i guximshëm, i cili pa pushim kërkonte drejtësi.
