Një i dënuar ka humbur jetën një ditë më parë në burgun e Zaharisë në Krujë. Burime nga policia thanë se ka humbur jetën i dënuari me inicialet I. R., 69 vjeç.
Policia bën të ditur se, fillimisht i dënuari i moshuar nuk është ndjerë mirë, duke u ankuar se kishte vështirësi në frymëmarrje.
Siç është raportuar nga burgu i Zaharisë, i dënuari është dërguar me urgjencë për në spitalin e Krujës, por nuk ka mundur që të mbijetojë.
Ngjarja e rëndë ka ndodhur mëngjesin e djeshëm rreth orës 04:00 në burgun e Zaharisë.
Kanë nisur hetimet për zbardhjen e plotë të kësaj ngjarje.
Njoftimi nga Komisariati i Policisë Krujë, informacion paraprak:
Më datë 05.08.2017, rreth orës 04:00, në Burgun e Zaharisë, shtetasi i dënuar, I.R. 69 vjeç, nuk është ndier mirë në frymëmarrje dhe është çuar për ndihmë mjëkësore në Krujë, ku ka ndërruar jetë.
