Huliganët serbë rrahin keq sulmuesin e kombëtares

Sherr në diskotekë mes sulmuesit të kombëtares së Serbisë, Filip Kostiç dhe disa huliganëve serbë. Sulmuesi 25-vjeçar që luan me Hamburg, ishte i shoqëruar me vëllanë e tij në një diskotekë në Kragujevac (vendlindja e Kostiç), kur papritur u përfshi në përleshje me disa persona të tjerë, raporton “Kurir”.Vëllai i Filip Kostiç mori lëndime të rënda, ndërsa sulmuesi i kombëtares serbe u detyrua t’i nxirrte gjuhën, sepse ishte duke pësuar një kolaps në frymëmarrje. Ende nuk dihen arsyet e sherrit që ka “marrë dhenë” në Serbi, vetëm pak ditë nga starti i Botërorit, ku kombëtarja serbe do të jetë pjesëmarrëse.