Leo tashmë ka nisur epokën e re. Ai ka zbritur në fushë dhe ka nisur stërvitjet me francezët. Legjenda bullgare e katalanasve, Hristo Stoichkov thotë se në historinë e Lionel Messit ka gënjeshtra dhe të pavërteta të mëdha, por vetëm koha do t’i tregojë. Ai sigurisht që thumboi drejtuesit e klubit për mënyrën e gabuar në menaxhimin e skuadrës. Për të, Messi është legjenda e skuadrës ku ka bërë histori, e ndërsa është i bindur se nuk do të zëvendësohet nga të tjerët.
“Është diçka e vështirë që të pranosh largimin e Lionel Messit. Ai ishte legjenda dhe lideri i skuadrës. Ka bërë histori këtu dhe besoj që nuk do të zëvendësohet nga të tjerët.
Nuk e kam kuptuar ende se çfarë ndodhi, por kjo histori është me shumë të fshehta dhe ka një gënjeshtër të madhe në mes. Nuk e di kur do të zbulohet, por klubi mund të kishte bërë më mirë për ta mbajtur dhe për ta rinovuar kontratën e tij. Barcelona ka humbur shumë në aspektin sportiv dhe në atë të imazhit. Duhet shumë punë për ta korrigjuar këtë situatë”, ka thënë Hristo Stoichkov.
