Kryetari i Partisë Demokratike të Kosovës, Enver Hoxhaj deklaroi se partia e tij nuk do ta votojë Vjosa Osmanin si Presidente të vendit.
Gjatë një deklarate për mediat, Osmani është një figurë përçarëse dhe një partikate. Sipas tij, Presidentja e ardhshme duhet të jetë e pavarur, por Osmani është nën diktatin e Albin Kurtit.
Ndër të tjera, ai tha se nëse Osmani do jetë Presidente, pushteti do kalojë vetëm në dorën e një njeriu, Albin Kurtit.
Enver Hoxhaj: “Ne i kemi disa arsye që nuk e mbështesim Vjosa Osmanin presidente. Së pari Znj.Osmani nuk është një figurë fituese por skajshmërish përçarëse. Karrierën e saj politike ajo e ka ngritur në frymën e përçarjes dhe jo të unitetit. Së dyti dhe këtë duhet ta dinë gjithë qytetarët. Ajo është një kandidate partiake dhe jo konsensuale. Së treti ajo është treguar e njëanshme sa e ka përfaqësuar institucionin e Presidencës. Presidenti i ardhshëm i Kosovës duhet të jetë i pavarur politikisht. Znj. Osmani e ka treguar disa herë që është më shumë nën diktatin e z.Kurti.”