Kryeministri i Kosovës, Avdullah Hoti është shprehur se gjatë takimit të së hënës në Bruksel, pritet të flitet për njohje reciproke dhe normalizim të marrëdhënieve. Në një postim në Facebook, Hoti thekson se marrëveshja arrihet vetëm atëherë kur të përmbyllet me njohje reciproke.
Ai citon se nuk do të ketë marrëveshje të ndërmjetme, që nuk e zgjidh problemin përgjithmonë. Hoti e përmbyll duke shkruar se Kosova mbetet e përkushtuar për paqe, stabilitet, zhvillim dhe integrim euro-atlantik.
Statusi
Bazuar në zotimet që i kemi dhënë në Samitin e Parisit më 10 korrik 2020, si dhe mbështetjen që kemi marrë nga Presidenti Makron dhe Kancelarja Merkel, të hënën në Bruksel e takojmë palën serbe për të dialoguar për marrëveshjen përfundimtare për njohje reciproke dhe normalizim të marrëdhënieve në mes të Kosovës dhe Serbisë.
Marrëveshja arrihet vetëm atëherë kur përmbyllet me njohje reciproke. Nuk do të ketë marrëveshje të ndërmjetme, parciale apo kreative që nuk e zgjidh problemin përgjithmonë. Do të ketë vetëm marrëveshje përfundimtare për njohje reciproke, që është sistematike dhe ku përfshihen të gjitha çështjet që duhet të adresohen në mes të dy vendeve të pavarura duke u bazuar në konventat, standardet dhe praktikën ndërkombëtare të rregullimit të marrëdhënieve në mes të dy vendeve të pavarura.
https://www.facebook.com/avdullah.hoti/posts/3616778805050114
