Një ngjarje horror është raportuar nga Italia, ku një burrë pasi kishte ndërruar jetë nga mbidoza, ishte ‘paketuar’ në një valixhe. Ky rast ka ngritur shumë pikëpyetje, e ndërsa hetuesit ende nuk dinë se si ka ndodhur ngjarje tragjike.
Valixhja ishte e izoluar me ngjitës, e mbuluar nga gjaku dhe e lënë pranë një makine. Viktima ishte sjellë në shesh nga partnerja e tij, një grua 39-vjeçare e cila u tha oficerëve se partneri i saj kishte vdekur në shtëpi ditë më parë.
Krimi makabër ka ndodhur në Romë, ku trupi i një 37-vjeçari është gjetur brenda një valixheje në rrugë. “La Notizia” raporton se trupi është pikasur nga kalimtarët, të cilët kanë njoftuar dhe policinë në lidhje me këtë ngjarje.
Trupi është gjetur në sheshin Federico Saço, dhe sipas mediave, trupi i përket një 37 vjeçari, identiteti i të cilit nuk bëhet i ditur.
Gruaja, në dëshminë e saj, kishte thënë se për të i vetmi qëllim ishte të hiqte qafe trupin e tij. Gruaja kishte dëshmuar se burri kishte vdekur të hënën nga një mbidozë droge, pasi të dy ishin të varur nga lëndët narkotike. Deklarata e saj ka ngritur shumë pikëpyetje. Për hetuesit mbetet i dyshimtë fakti se si gruaja, në pamje të parë shumë e dobët, kishte arritur të transportonte trupin e burrit, me peshë rreth 90 kg.
